ლია ჯაყელი ქალთა და მარგინალიზებული ჯგუფების უფლებებზე მომუშავე კინოდოკუმენტალისტი და აქტივისტია. ლია, თანამოაზრეებთან ერთად,  სისტემურად ქმნის დოკუმენტურ ფილმებს ადამიანის უფლებებზე. ეს ფილმები 2000 წლიდან დღემდე გამოიყენება ქართული და საერთაშორისო ორგანიზაციების საგანმანათლებლო პროგრამებში და წარმოდგენილი იყო მრავალ კინოფესტივალზე. ფილმების უმრავლესობა ნაჩვენებია ნაციონალური ტელეარხებითაც. სხვადასხვა ჯილდოებთან ერთად, 2007 წ. მოპოვებული აქვს საერთაშორისო ფონდ „მამა ქეშის“ ჯილდო „ის ცვლის სამყაროს“/She Changes the World. ავტორი და რეჟისორია ადამიანის უფლებებსა და სოციალურ საკითხებზე შექმნილი 20-ზე მეტი ფილმისა. მათ შორისაა ფილმები ოჯახში ძალადობაზე, ეთნიკური უმცირესობის წარმომადგენელ ქალებსა და გოგონებზე, შეზღუდული შესაძლებლობის მქონე ადამიანებზე, ადრეულ ქორწინებასა და სექსუალურ ძალადობაზე, ლგბტ უფლებებსა და ფემიციდზე. 2008-2013 წწ. მრავალეთნიკურ ქვემო ქართლში უძღვებოდა საავტორო ტელეპროექტს „ყველაფერი ჩვენ შესახებ“.

აქვს ლექტორისა და ტრენერის ოცწლიანი გამოცდილება და ხშირად მონაწილეობს ეროვნული და საერთაშორისო ორგანიზაციების პროექტებში მიწვეული ექსპერტის სტატუსით.