მიშა სტუდიომობილის თანადამფუძნებელია. ის ჯერ კიდევ თბილისის სახელმწიფო სამხატვრო აკადემიაში სწავლის დროს მუშაობდა მხატვრად სხვადასხვა სარეკლამო სააგენტოებსა და საბავშვო ჟურნალ „ნაკადულში“, რომლისთვისაც კომიქსებს ქმნიდა.  მისი სადიპლომო ნაშრომი „წრის კვადრატურა“ გამოირჩეოდა იდეის განხორციელებისთვის ეფექტურად გამოყენებული შემოქმედებითი ფორმების მრავალფეროვნებით. (ძერწვა, გრაფიკა, კომპიუტერული ანიმაცია, ვიდეოგადაღება…). მიშას როლი სტუდიომობილში ადამიანის უფლებებზე მომუშავე შემოქმედებითი ჯგუფისა და ვიდეოსტუდიის შექმნაში უნიკალურია. ის ახალგაზრდებისთვის დღემდე უანგაროდ ატარებს მასტერკლასებს ვიდეოგადაღებასა და მონტაჟის შესახებ. გარდა ამისა, ის  რამდენიმე ფილმის თანაავტორიცაა.